গুৱাহাটীৰ শংকৰদেৱ কলাক্ষেত্ৰত অনুষ্ঠিত নামহাট সন্মিলনৰ দ্বিতীয় দিনা হাজাৰ হাজাৰ ভক্তৰ উপস্থিতিত এক ভক্তিৰসাপ্লুত পৰিৱেশে বিৰাজ কৰে। ইস্কন নামহাট অসমৰ মুখ্য আয়োজক তথা ব্যৱস্থাপক কৰুণাময় চৈতন্য দাস কৌশিক প্ৰভূৱে আধ্যাত্মিক জ্ঞানমন্থনৰ এক সুদীৰ্ঘ সত্রত অংশগ্ৰহণ কৰি ভক্তসকলৰ মনৰ উদীয়মান প্ৰশ্ন আৰু জিজ্ঞাসাৰ পোনপটীয়া নিৰাময় কৰে।
পঞ্জাবাৰীস্থিত শংকৰদেৱ কলাক্ষেত্ৰৰ বাকৰিত কাতি মাহৰ এই দুপৰীয়াত ভগৱানৰ শ্ৰীচৰণত অৰ্পণ কৰা মহা প্ৰসাদ লাভ কৰি ভক্তসকলে এক অপূৰ্ব আৰু অবিস্মৰণীয় ভক্তিময় পৰিৱেশৰ অনুভূতি ব্যক্ত কৰে।











